لعبة ذكاء مميزه

اعود لكم من جديد

وقد احضرت وفي جعبتي

لعبة ذكاء واعترف بادماني عليها بشكل يومي

اسم اللعبة سودكو <<< واضح انه اسمه ياباني اعتقد

المهم خلونا ندخل جو مع اللعبة

شرح بسيط لها شباب ترا دايم نشوف هذي اللعبة في الجرايد

واخص بالذكر ( الوطن والشرق الاوسط )

اختصارا في كل شي

هذا موقع يشرح طريقه اللعبه

http://www.sudoku.name/rules/ar

وعلشان تقدر تحل اللعبه وتبسط فيها

خذها بطريقه الاحتمالات

وابعد اي احتمال لاي رقم موجود عندك في اي صف او عامود

بالعربي الفصيح اختار اي مربع واستعبد الارقام الموجوده في الصف والعامود الذي يحويه

وبهذا الشكل راح تقل عندك الخيارات من تسعه الي اقل من هذا

وبعدها قلل الاحتمالات بالخطوه الثانيه

استبعد اي احتمال لاي رقم موجود في نفس المربع التساعي الذي يحوي المربع المراد حله

وبكذا تحصل علي احتمالات ومن هذه القاعده راح تلاقي مربعات لا تتحمل الا رقم واحد فقط ويصبح مفتاح لاستبعاد احتمالات من مربع اخر

افكاري القادمه

عودتي الي مدونتي المنسيه بعباره اخري

عودتي الي مكاني السري المعلن

او اقول انه المكان الاجمل باستثناء

من هنا

سوف ابدا من اليوم ان شاء الله حتي بدايه شهر رمضان سوف انتظم

بكتابة بعض التدوين والشخبطة علي سيرفرات العم قوقل

موضوعي بعد الانزلاق في المقدمات

ماذا تشعر بالصيف ؟؟

اجازه بدون تخطيط الا من رحم ربي

اضاعات مئات الساعات

طفش لا منتهي

انقلاب علي الساعة البيلوجيه

استمرار علي هذا الحال حتي بوادر انتهاء الاجازه

وفي اخر يوم في الجازه تبدا الافكار العبقريه بالهطول كمطر صيف

تقول ابي اعمل واخطط للاجازه الجايه

وابي احاول وارسم واجهز

والنهايه ابشر من اللحين اجازتك الجايه راح تكون مثل هذ الاجازه بالضبط

بعيد الشر ان شاء الله

المهم فكرتي بعد ما بعدت الوصف عنها

تقول هل جربت تكتب افكارك عن اجازتك ؟؟

طيب خلونا نجرب ناخذ ورقه وقلم ونرسم

يا باشا اللي جالس تطالع مدونتي اسحب الورقه البيضة اللي جنبك

طيب اسمع هات ورقه a4 من الطابعه

اوكي ورقه بيضه وااااااو

من اجل وصف اجمل >>>> ما يعرف يعبر :)

ارسم بنص الورقه دائره واكتب داخل الورقه كلمتين بس ( اجازه مفيدة )

يا قاري افكاري ومشاهد سطوري

ابدا الان وارسم اول خط يخرج من الدائاة يفضل ان يكون قصير نوعا ما

واكتب جنبه اي فكره تقدر تسويها علشان تستفيد من الكم ساعه الجايه

طيب خلينا نجلس نفكر بشي مفيد ليا ولك امممممممم

وش رايك بفكرة السفر ؟؟؟ فكره روعه

طيب وش الاشياء المطلوبه في السفر

ممتاز جدا بدانا نتطور اجعل كلمه السفر في دائرة ثانيه

والاشياء التابعه للسفر او كل ما تريد القيام به في سفرك هذا بالطبع سوف يخرج علي شكل خطوط خارجه من دائرة السفر

يلا نحاول في فكره ثانيه اممممممم

البدايه في انشاء مدونه حتي ولو كانت مجانيه اقلها حاول

ممتاز هذي الفكره الثانيه برضو وبنفس الطريقه خليها في دائره من نفس مقاس الدائره حقت السفر ونفس الطريقه اللي هناك اي شي يرتبط بالمدونه سجلها بخطوط طالعه من الدائرة

طيب وش ابي منك اللحين ابيك تستمر بكتابة كل فكره تجي علي بالك

بس ابي اهمس في اذنك ترا الطريقه اللي تجالس ترسمها اسمها

الخرائط الذهنيه

س/ تقدر توصل لاي مكان في العالم في اول زياره بدون خريطة ؟؟

س/ لو مل قدرت تحفظ الخريطة بسبب كثرة التشعبات هل راح ترمي الخريطه ؟؟

اترك لك عزيزي المتصفح حريه الاجابه عن هذه الاستفسارات

اعتقد جدا صعب انك تمشي بطريق غريب عليك بدون خريطة او وصف دقيق لاماكن اللي تبي زورها علشان كذا اقترح عليك بعد مجهودك في رسم الخريطة وش رايك تحتفظ فيها حتي نهاية الاجازه ؟؟

اذا لم استطيع خدمتك بالشكل المطلوب في رسم الخريطة لاجازه مفيدة ممكن هذا المثال يفيد

شكرا يا عم قوقل ....

السلام عليكم ورحمة الله وبركاته

الحمد لله لقد وجدت في عمنا الالكتورني قوقل الله يكثر خيره

في بداية تدويني لهذه احبت ان اقدم شكري لهذا المدعو قوقل

بس نفسي اعرف وش هي احلامهم ؟؟؟

وين يبون يوصلون ؟؟

وش هدفهم بعد عشر سنوات ؟؟

اذا اقرب منافس اعتقد انه يبعد عنهم مسافه خمسين الف سنه ضويئة :)

من اجل جميل مشاركتكم

خلونا نتخيل اننا احد اهم اخذين القرار في قوقل

او بالعربي نبي نصير مكانهم لمدة طويلة نبي نسوي اجتماع

على مستوي القاعدة <<<< العيال كبرت

المهم من فكرتي هذي بالعربي نبي نسوي عصف ذهني

ونبي نكتب قرارتنا في مذكرة تفاهم للعم قوقل ونطالب بالاتي

انا راح ابدا وانتظر منكم مشاركتي

1- اريد ترجمة فعلية للمواقع باي لغة كانت يعني شرح للفكره
( لو فتحت موقع بالانجليزي ابيه اشوفه بترجمه عربية واضحة )

2- كل العبقريه اللي موجوده في قوقل يقدروا يدخلون سوق الهارد وير

للحديث تكملة <<<< جيعان وقام يفطر